- عاش افندينا صاحب التكيه
- يعيش ويبهدل فينا وف أهالينا
- يعيش ويقطع يوم لسنا
- ويكتف يوم ايادينا
- يعيش ويخرب كمان بيوتنا
- ويخرب بيوت حوالينا
- عاش افندينا صاحب التكيه
- ايه يعني يسيب علينا كلابه المفتريه
- ايه يعني ياخد ربع او نص او حتي كل الماهيه
- إما اتاوه او غباوه او في صوره اكراميه
- أبويا قالي لو كلابه في يوم هانوك او خلعوا في يوم عنيا
- أوعاك يابني تتكلم ولا تزعل او حتي تبكي عليا
- لتروح يا ولدي فطيس ومالكش عند الناس دي ديه
- عاش افندينا صاحب التكيه
- أنا مش بقول يا ناس كفايه
- يا اخونا انا بس بحكي حكايه
- ولو قولت
- حد هيمشي في يوم ورايا
- ولا تسيبوني لوحدي لكلاب السرايا
- أهتف يا كفر قول معايا
- عاش افندينا صاحب التكيه
مجرد أنسان
الأربعاء، ٨ أكتوبر ٢٠٠٨
افندينا
الاشتراك في:
تعليقات الرسالة (Atom)
هناك ٤ تعليقات:
ماشاء الله جميلة جداالروح الثورية التى تتملك من شاعرنا
فأشعارك تشاركنا واقعنا..
شكرا لقلمك ايها الشاعر
ثوريه ايه بس
مش ثوريه ولا حاجه والله لكن هو مجرد واقع عايشينه كلنا حتي من غير ما نقوله
شكرا لمرورك الجميل وتعليقك
ربنا يستر عليك يا مان
محمود الاسواني
خليها علي الله يا مان
إرسال تعليق