- في ليله من ليالي المعتقل
لما كنا مسجونين
وبعد علقه موت
كلناها من كلاب مسعورين
جات نومتي جنب واحد
شكله كان م المظلومين
سئلته تهمتك ايه يا صاحبي
قالي واحد م الاخوان المسلمين
سئلته و ايه أسم الكريم
قال اسمي بطرس حنا بنيامين
بصينا لبعض وضحكنا
ودأينا الادين
أيده عليها صليب مرسوم
وأيدي عليها بسم الله الرحمن الرحيم
مجرد أنسان
الأحد، ٥ أبريل ٢٠٠٩
نكته في المعتقل
الباشا
- تعيش يا باشا ويغنولك
- تعيش وكمان يهتفولك
- ويغنوا في عشقك ميه موال
- تعيش وتخرب كمان بيوتنا
- تعيش وتاكل كمان ف قوتنا
- ومتسبلناش ولا حتي ريال
- تعيش حبيب الشعب والملايين
- تعيش وتحكم قول أمين
- وسيبنا ويستلمها الانجال
- الخوف لما يجي يستلمها
- ميلائيش فيها ناس يحكمها
- وناسها رحلوا يمين كان او شمال
- مش مهم ناسها يا عمنا
- أهو يرتاح من همنا
- ومحدش يوجهله سؤال
- وحتي لو ناسها فضلوا فيها
- دول ناس مغميه عنيها
- ومن الخوف بكت فيها الرجال
- دا ناسها يا عم هايصه
- في ماتش كوره وبت مايصه
- وفي الجد متشفش منهم غير خيال
الاشتراك في:
الرسائل (Atom)