حكايه الصبيه

• صبيه قالت للجدع
• 
  انا بفكر فيك
• 
  من ساعه ما شفتك
• 
  وانا دايبه في سحر عنيك
• 
  وخايفه اتكلم لأتألم
• 
  أو يفضحني ناس حواليك
• 
  فرح الجدع وقال
• 
  في عنيها مية موال
• 
  أحلي كلام يتقال
• 
  قالتله مش هكون سوا ليك
• 
  قال الجدع لأبوها
• 
  انا جاي اطلب ايديها
• 
  وأبقي راجلها وحاميها
• 
  وأحط مهرها في ايدك
• 
  ولاجل ان الجدع طيب
• 
  وضميره منه قريب
• 
  سمع عنها كلام مش طيب
• 
  قال أزاي أقبل يبأه ليا فيها شريك
• 
  جاتله الصبيه تبكي
• 
  وصارت في البلد تحكي
• 
  ولقسوته قال تشكي
• 
  وتقول ازاي انا هنت عليك
• 
  رد عليها وقال الجدع
• 
  بصوت مخلوع من قلب انخلع
• 
  وبركان في صدر راجل انخدع
• 
  برضه هفضل انا ستر عليك
• 
  حاولت اسامحك ما انتي مني
• 
  حاولت لكن غصب عني
• 
  رجولتي طلعت اقوي مني
• 
  يا كفر سمعها حكاويك
• 
  ما انتي الغلطانه من البدايه
• 
  عشتي يجي الف حكايه
• 
  حكايه منهم بس كفايه
• 
  تبقي غنوه وعار عليك

افندينا

• عاش افندينا صاحب التكيه
• يعيش ويبهدل فينا وف أهالينا
• يعيش ويقطع يوم لسنا
• ويكتف يوم ايادينا
• يعيش ويخرب كمان بيوتنا
• ويخرب بيوت حوالينا
• عاش افندينا صاحب التكيه
• ايه يعني يسيب علينا كلابه المفتريه
• ايه يعني ياخد ربع او نص او حتي كل الماهيه
• إما اتاوه او غباوه او في صوره اكراميه
• أبويا قالي لو كلابه في يوم هانوك او خلعوا في يوم عنيا
• أوعاك يابني تتكلم ولا تزعل او حتي تبكي عليا
• لتروح يا ولدي فطيس ومالكش عند الناس دي ديه
• عاش افندينا صاحب التكيه
• أنا مش بقول يا ناس كفايه
• يا اخونا انا بس بحكي حكايه
• ولو قولت
• حد هيمشي في يوم ورايا
• ولا تسيبوني لوحدي لكلاب السرايا
• أهتف يا كفر قول معايا
• عاش افندينا صاحب التكيه