- في زمن حكم الشيوخ
- كل شيئ مقبول
- سب دين إشتم اله
- جرح في أي رسول
- اتكلم بكل كفر خد راحتك
- ماتخفش يا عم قول
- وكفرك هيبقي إبداع
- وحق الابداع مكفول
- خليك بلطجي ما الناس هنا
- يا قاتل او مقتول
- هتبقي ثوري و تبقي نجم
- ما الدماغ مقفول
- لكن تسب رقاصة
- او واحد من الفلول
- ليلة ابوكم سودا
- وليل سيادتك يطول
- هتبقي ارهابي ووهابي
- بالعرض او بالطول
- وتتفضح يا حلو في المحاكم
- والحكم بالنفاذ مشمول
- ويستلمك اعلامنا الشريف
- ده سيفه ع المسلمين مسلول
- وده كان حكم الشيوخ
- حاكم ضعيف مذلول
- خيب املنا فيه
- وشمت فينا الفلول
مجرد أنسان
الأربعاء، ١٠ يوليو ٢٠١٣
يحكي ان من قديم الازل
السبت، ١٧ سبتمبر ٢٠١١
يا دنيا
ملعون أبوكي يا دنيا
لو الحال هيفضل كده
ناس عايشه ومش عايشه
وناس عايشه متنكده
من موت لفقر لمرض
لظلم ألعن من ده و ده
كل الشقي ده فيكي
وبرضه علينا متبغدده
ملعون أبو الدنيا
اللي تمرض فيها السباع
ملعون أبو المرض والالم
ملعون أبو الاوجاع
مين ف الدنيا عمره شبع
ولا جاله وقت وجاع
كل ده يا دنيا فيكي
ولسه شايفينك متاع
صحيح أنتي متاع
بس برضه أسمك غرور
لو فيك الخير للحظه
ف فيك الشر شهور
ومهما زرعنا ف أرضك
ف كل أرضك بور
ومهما عمرناكي يا دنيا
مصيرنا نسكن قبور
الثلاثاء، ٢٤ مايو ٢٠١١
الثلاثاء، ٨ فبراير ٢٠١١
عجبي عليكي يا بلد
في يوم كنت بدردش مع
محمد ابن عمك عبد الحميد
قولت له البلد دي عاوزه صارخه
بس تكون صارخه من حديد
لجل ما ينصلح لينا حالها
ونعرف يمينها من شمالها
بس منين نجيب فيها العزم الشديد
إذا كان الجيل الطالع
كله
كاسل كله خامل
زي الطالب البليد
عوضنا علي الله فيكي يا بلد
ابنك وعايش فيكي شريد
رد عليا صاحبي وعلي وشه ضحكه امل
ماتخافشي علي البلد دي
ده شعبها شعب عنيد
كل ما تقول انه مسطول او مغيب
يظهر له مارد من جديد
كل ما تقول انه ميت يتولد له
الف مليون فارس وليد
وقتها ماصدقتوش و أعتبرته بيحلم
أو بيحكي عن حلمه السعيد
لحد ما في يوم شوفت الولاد خارجه تصرخ
خارجه و لابسه عليها بدله شهيد
قولت عجبي عليكي يا بلد
مهما اتفرقوا فيكي ولادك
من صرخه واحدة تلميهم من جديد
الثلاثاء، ١١ مايو ٢٠١٠
كانت ايام
- زمان كنت بسأل
- أيه ممكن يفرقنا
- دلوقتي بقول
- أيه ممكن يرجعنا
- لأيامنا لأحلامنا
- تنسينا مواجعنا
- زمان كان ضحكنا
- مالي علينا الكون
- دلوقتي حتي كلامنا ودعنا
- ساد بينا صوت السكات
- يا تري مين غيرنا لينا هيسمعنا
- نشكي له و نحكي ليه
- و ننسي في حضنه أوجعنا
- هي دي الدنيا يوم لقا و يوم فراق
- يوم نضحك
- و يوم نروي الارض بدموعنا
- يوم نندفن تحت التراب
- بعد ما فوق السحاب الدنيا ترفعنا
السبت، ٢٦ سبتمبر ٢٠٠٩
نصائح للفتي
- رأيته فتي مقبل علي الحياه
فتذكرت نفسي منذ أعوام طويله
فأشفقت عليه من نيران الحب
ان تحرقه او يكون لها عبداً ذليلا
فقلت له أي بني أستمع نصحي
فأن نصحي لك مرشدا و دليلً
خدعوك بني فقالوا الحب رائعاً
خدعوك بني فقالوا أن الحياه جميله
خدعوك حينما قالوا عن الحب
أن الحب في الحياة غاية و وسيلة
ما الحب يا فتي في الحياه إلا قصه
أو أنشوده تغنت بها النساء فأجدنها ترتيلا
لو أرتديت أكاليل الحب في دنيا النساء
فأنت مسلوب الإرادة ما أقبح به أكليلَ
لو وجدت الغول و العنقاء يوما حقاً
فستجد أنثي محبه أو من الوفاء خليلَ
الجمعة، ٢٤ يوليو ٢٠٠٩
ملعون أبو الحب
- ملعون أبو الحب
اللي يحني الرجال
ملعون أبو الحب
اللي يجرح يا خال
ملعون الحبيب
اللي يبخل عليا حتي بسؤال
ملعونة المشاعر
مليانه كدب ووعود في الخيال
ملعون أبو الفرحة
اللي تجني وراها هم يهد الجبال
ملعون ولسه عاوزني احبه
مهما عمل من غير سؤال
الاشتراك في:
الرسائل (Atom)