ملعون أبوكي يا دنيا
لو الحال هيفضل كده
ناس عايشه ومش عايشه
وناس عايشه متنكده
من موت لفقر لمرض
لظلم ألعن من ده و ده
كل الشقي ده فيكي
وبرضه علينا متبغدده
ملعون أبو الدنيا
اللي تمرض فيها السباع
ملعون أبو المرض والالم
ملعون أبو الاوجاع
مين ف الدنيا عمره شبع
ولا جاله وقت وجاع
كل ده يا دنيا فيكي
ولسه شايفينك متاع
صحيح أنتي متاع
بس برضه أسمك غرور
لو فيك الخير للحظه
ف فيك الشر شهور
ومهما زرعنا ف أرضك
ف كل أرضك بور
ومهما عمرناكي يا دنيا
مصيرنا نسكن قبور
هناك ٧ تعليقات:
سلامتك
ليه كل الوجع ده
حمد الله علي السلامه و جراحه ناجحه إن شاء الله
الاسواني
حديث قدسى قال رسول الله(لاتسبوا الدهر وانا الدهر اقلب اليل والنهار)صدق رسول الله
الدنيا ملعونة ملعون ما فيها إلا ذكر الله وما والاه, وعالما أو متعلما
وقد حسنه الألباني رحمه الله
تامر خليفة
.
.
والله زمان يا مدونه دموع الكلمات
إرسال تعليق