قضاء وقدر

• وانا خارج اصلي الفجريه
• 
  شوفت بعيني شيخ الغفر
• 
  ساحب وراه أتنين غيلان
• 
  متنكرين في هيئه بشر
• 
  رايحين لدار الحاج احمد
• 
  قولت استر يا رب أيه الخبر
• 
  لا يكون قتل ولا عمل عمله
• 
  للدرجادي مستواك يا حاج انحدر
• 
  وف دار عم احمد سمعت حوار
• 
  داير ما بين الحاج وشيخ الغفر
• 
  ده يقوله شوفناك منور النور الفجريه
• 
  وده يقوله والله ده كان نور القمر
• 
  ده يقوله شوفنا خيالك بتصلي الجهه ديه
• 
  ده يقوله مش انا ده تلاقيه كان ضل الشجر
• 
  وده يتهم وده يحلف بخوف
• 
  وده يتهم وده يحلف بعنيه و البصر
• 
  وفجأة وقعت من جيب عم احمد
• 
  حته حشيش بس من النوع المعتبر
• 
  شافها الغيلان بانت في عنيهم طيبه
• 
  بعد ما كانت عنيهم فيها شر وشرر
• 
  وقالوا خلاص سماح النوبه
• 
  و هنعتبر أن حادثة صلاتك كانت قضاء وقدر